Zein abantaila eskaintzen ditu?

MUGI sistemak abantaila ugari eskaintzen die garraio publikoaren ohiko erabiltzaileei, hala nola:

• Ordaintzeko modu bateratua: Txartel bakarra garraiobide guztietarako.
• Tarifa-sistema eta eremuak bereizteko sistema bateratuak: Kostu berbera garraiobide ezberdinetan egindako bidaietarako, eta tarifa bateratuak eremu-aldaketaren bat barne hartzen duten ibilbideetarako.
• Erabileraren araberako deskontuak: Zenbat eta gehiago erabili garraio publikoa, orduan eta merkeagoa izango da bidaiaren kostua.
• Doako ontzi-aldaketak: bidaia garestiena bakarrik ordaintzen da.
• Txartel hobaridunak: Baldintza zehatzak bete behar dira txartel hauetako bat edukitzeko.

Ordaintzeko modu bateratua

MUGI sistemari esker, ordaintzeko euskarri bakarra erabiliko da garraiobide guztietan; hau da, txartel bakarraz bidaiatu daiteke Gipuzkoako garraio publiko ia guztietan.Txartel bakarra Lurraldebus txartelaren nolabaiteko bilakaera da, eta biak garraio publikoetan erabil daitezke, zerbitzu berbera ematen dutelako.

• MUGI txartel pertsonalizatua: titulartasuna duen bidaia txartela da, eta berarekin ordaintzeagatik deskontu nabarmenak eskaintzen ditu, lehenengo momentutik (% 74, % 79 edo % 95eko deskontua). MUGI sistemak eskaintzen dituen onura guztiez gozatzeko aukera ematen dio erabiltzaileari.

Tarifa-sistema bateratua

MUGI sistemak tarifa bateratua eskaintzen die erabiltzaile guztiei; eta eremuak bereizteko sistema bateratu batean oinarritzen da:

• Tarifa-sistema bateratua: Tarifa-sistema bateratuari esker, hainbat garraiobidetan (autobusa, trena eta abar) egindako ibilbideak/joan-etorriak kostu berbera izango dute; hau da, kostu berbera izango du trenez edo autobusez  Atik Bra egindako bidaiak.
• Eremuak bereizteko sistema bateratua: MUGIn aplikatuko diren tarifak eremuak bereizteko sistema bateratuan oinarritzen dira: MUGI sisteman, egun, 15 eremu ezberdin bereizi dira.

Ibilbide bakoitzean, gehienez ere 6 eremu-aldaketa egin daitezke, betiere garraiobidez aldatzen ez bada (ontzi-aldaketa); eremu-aldaketa bakoitzari zenbateko bat dagokio, eta zenbat eta eremu-aldaketa gehiago egin (jauzi kopurua), orduan eta garestiagoa izango da ibilbidea.

Erabileraren araberako deskontuak

MUGI sistemaren helburua da garraio publikoa gehien erabiltzen duten herritarrak saritzea; eta, horregatik, erabiltzaile horiek deskontu handiagoak izango dituzte.
Hiru erabilera-tarte ezarri dira, eta tarte bakoitzari deskontu jakin bat dagokio:

• 1–20 bidaia: % 74ko deskontua noizbehinkako txartelaren aldean.
• 21–50 bidaia: % 79ko deskontua noizbehinkako txartelaren aldean.
• 51 bidaia edo gehiago: % 95ko deskontua noizbehinkako txartelaren aldean (gazteek doan bidaiatuko dute tarte honetan). 

* Deskontuak hilabete naturalaren barruan aplikatuko dira.
* Bidaia-kontagailua hutsetik hasiko da hilero.

Ontzi-aldaketak

Ontzi-aldaketa guztiak doan dira; hau da, bidaia-txartel garestiena bakarrik ordainduko da. Era berean, bidaien kontagailuan bidai bakar bat bezala zenbatuko da.

Txartel hobaridunak
MUGI sistemarekin, erabiltzaileek hobariak aldez aurretik jasoko dituzte, txartela kargatzeko unean bertan; hau da, erabiltzaileak txartela kargatzen duen bakoitzean, kopuru bat gehituko zaio hobari gisa.

Horrelako txartela eskuratzeko edota berritzeko zenbait baldintza bete behar dira:

1. Gipuzkoan erroldatuta egotea: Gipuzkoako edozein herritan pasaportearekin erroldatu direnen kasuan, azken hiruhilabetekoan egindako errolda ziurtagiria aurkeztu beharko da.
2. Foru Ogasunean, errenta maila egiaztatuko da: 2'5 aldiz IPREM* adierazlea gaindituz gero, ezin izango da txartel hobariduna eskatu edo berritu; honakoak dira kopuruak: 18.000 € bakarkako aitorpenean; eta 36.000 € baterako errenta-aitorpenean.

Bi egoera zehatzetan ez da errenta maila egiaztatuko: 18 urtetik beherako txartel hobaridun eskaeretan eta Familia Ugari orokorren edo berezien eskaeretan (beste txartel hobaridun bateko konbinaziorik ez dagoen kasuetan).

(*) Oinarri ezargarri orokorra + aurrezpenaren oinarri ezargarria + lanaren hobaria. Hiru kontzeptu horien baturak ezin du 2'5 aldiz IPREM adierazlea gainditu; baterako errenta-aitorpenen kasuan, kopurua bikoiztu egiten da.

    3.  Familia Ugarien kasuan, horren titulua indarrean izatea.

• Txatel hobaridun motak:
  • Gazteak (6 urtetatik 25 urte bete arte): % 25eko hobaria.
  • Adinekoak (65 urte edo gehiago): % 108ko hobaria.
  • Ezinduak (% 65eko desgaitasuna edo gehiago edo mugikortasun murrizketa: 7 puntu edo %25a): % 108ko hobaria.
  • Sozialak: % 108ko hobaria.
    Egoera hauek aurreikusten dira:
    • Lanik egiten ez duen 65 urtetik beherako erretiroduna
    • Erretirodun partziala duena
    • Lanik egiten ez duen 55 urtetik gorako ezintasun iraunkor osoko pentsioduna
    • Erabateko Ezintasun Iraunkor Osoko pentsioduna
    • Erabateko ezintasun handiko pentsioduna
    • Lanik egiten ez duen alargun-pentsioduna
    • Lanik egiten ez duen KOTIZATU GABEKO PENTSIOKO diru-sarrera edo gutxiago jasotzen duen pentsioduna
    • Senideen aldeko pentsioa
    • Ardurapean hartutako adin txikiko edo seme-alaba bakoitzeko laguntza ekonomikoaren titularra edo eragilea
    • Gizarte Larrialdiko Laguntzaren (GLL) titularra edo onuraduna)
    • Kotizazio Gabeko Pentsioa (KGP), Gizarte Ongizateko Fondoa (GOF), Desgaituak Gizartean Integratzeko Legearen (LISMI) prestazioaren titularra eta Gizarte-inklusiorako laguntzaren titularrak (18-23 urte bitartekoak) (lehen Desbinkulazio-laguntza jasotzen zutenak)
    • Diru-sarrera Bermatzeko Errentaren (DBE) titularra edo onuraduna
    • Estatuko Enplegu Zerbitzuak (SEPE) emandako diru-laguntzetako baten titularra edo Txertaketarako Errenta Aktiboaren titularra
    • Lagun Aroren erretiro-pentsioa duen erretiroduna, 65 urte baino gazteagoa eta lanik egiten ez duena. (Kasu horretan, lan-bizitza erregimen bereziko altan agertzen da, Gizarte Segurantzako erretirorako eskubidea izateko kotizatu egiten baitute.)
  • Familia Ugaria
    • Orokorra: % 25eko hobaria.
    • Berezia: % 100eko hobaria.

Gaztea, Adinekoa, Ezindua eta Soziala kolektiboko txartelak Familia Ugarien kolektiboko txartelekin bateragarriak dira; hortaz, familia ugaria izanik beste kolektiboren bateko kide izanez gero, biengatik jasoko litzateke hobaria:

•    MUGI gazteak + FU20: % 50eko hobaria.
•    MUGI adinekoak + FU20: % 133ko hobaria.
•    MUGI ezinduak + FU20: % 133ko hobaria.
•    MUGI soziala + FU20: % 133ko hobaria.
•    MUGI gazte + FU50: % 125eko hobaria.
•    MUGI adinekoak + FU50: % 208ko hobaria.
•    MUGI ezinduak + FU50: % 208ko hobaria.
•    MUGI soziala + FU50: % 208ko hobaria.