Aldi baterako, ezin izango dira autobusetan web bidez egindako diru-kargak aktibatu.

Jakinarazten da, aldi baterako, ezin izango direla autobusetan web bidez egindako diru-kargak aktibatu, COVID-19 ez hedatzeko garraio publikoan hartutako neurrien ondorioz.

Neurri horiek honako hauek dira: autobusetan ezingo da aurreko atetik sartu; beraz, bidaiariek atzeko ateetatik sartuko direnez, gertu dauden makinetan balioztatuko dituzte txartelak, eta, ondorioz ezingo dira diru-kargak aktibatu.

Beraz, jakinarazten da txartelak kargatzeko bide hau erabiltzen jarraitu nahi izanez gero, diru-karga horiek aktibatzeko modu bakarra Kutxabankeko kutxazainak izango direla.

Barkatu sortutako eragozpenengatik.

• 2019an, 74 milioitik gora bidaia egin ziren MUGI sistemaren barneko zerbitzuetan, aurreko urtean baino 5 milioi gehiago.
• 33.650 herritar berri batu dira MUGI sistemara.
• Sisteman orotara egin diren bidaien % 84a MUGI txartelarekin ordaindu dira.
• Igoera orokorraren arrazoi nagusietakoa da tren zerbitzuetan eman diren bidaien gorakada.

• Deskontu handiagoak MUGI txartela erabiltzeagatik: lehen 20 bidaietan, deskontua % 48koa izango da; eta 21. bidaiatik 50.era bitarte, % 58koa.
• Kolektibo ezberdinek jasotzen dituzten hobariak mantendu egingo dira, sozialki bidezkoagoa den mugikortasun baten alde.

Mugikortasun jasangarria, osasungarria eta inklusiboa sustatzen duen sistema da MUGI; eta sariak gipuzkoarrei eskaintzen dien zerbitzu bateratua balioan jartzen du.

Duela bi urte, Gipuzkoako Foru Aldundiak #GuztiokMugituz saria emateari ekin zion, irisgarritasun unibertsalaren aldeko apustua egiten dutenei omenaldi txiki bat egiteko asmoz. Izan ere, sariaren bidez, Aldundiko Mugikortasun eta Lurralde Antolaketa Sailetik mugikortasun jasangarri eta inklusiboa bultzatzen duten ekimenek burututako lanaren aitorpena egin nahi dute.

Datorren igandean, azaroak 10, Behobia-Donostia lasterketaren edizio berria jokatuko da. Hori dela eta, garraio publikoan aldaketak izango dira, bai ibilbide ezberdinetan eta baita ordutegietan ere. Antolatzaileek emandako datuen arabera, 30.000 pertsona inguru izango dira Behobia eta Donostiaren arteko ibilbidea lasterka egingo dutenak.

Halako kirol ikuskizunetan gertatu ohi den bezala, garraio publikoan aldaketak izango dira. Era berean, errepide mozketak izango dira. Jarraian, aldaketa horiek ezagutzeko informazio praktikoa.

Astelehenetik igandera bitarte Europako Mugikortasunaren Astea ospatzen ari da, eta ospakizunaren baitan, Gipuzkoako Garraioaren Lurralde Agintaritzak (GGLA) MUGIpuzkoa ekimena martxan ipiniko du. Honela, bost udalerri bisitatuko ditu egitasmoak.

Ekainean Gipuzkoako Garraioaren Lurralde Agintaritzako (GGLA) batzar orokorrak Oiartzungo Udala GGLAko kide izatea onartu ondoren, hilaren 1ean, Oiartzungo hiribusa MUGI sisteman sartuko da. Horrela, bada, orain arte MUGI txartela soilik txanpon-txartel gisa erabiltzeko aukera zegoen arren, orain, Gipuzkoako gainerako garraiobideek eskaintzen dituzten baldintza berdinak eskainiko ditu Xorrolak.

Basque Card zabalduko du Foru Aldundiak, fluxu turistikoen banaketaren eta jasangarritasunaren aldeko apustuaren barruan