Urtarrilaren 11tik aurrera Lasarte-Oriako herriko autobusa, "Muittu Manttangorri", Mugi sistemaren barnean integratzen da.

Mugi sistemak abantaila handiak eskaintzen dizkie Gipuzkoako garraio publikoa erabili ohi duten pertsonei. Honakoak dira Mugi sistemaren ezaugarri nagusiak: ordaintzeko euskarri komuna, eremuak bereizteko sistema komuna, erabileraren araberako deskontuak, garraio-aldaketak baldintza onetan eta hobari osagarriak jasoko dituzten talde bereziak.

Autobus berritzaile eta koloredun honek 21 bidaiari eta gurpil aulki bat eramateko edukiera du. Muittu Manttangorrirekin garraio publikoarekin apustu egiten dute, Gipuzkoako herri honetako komunikazioa hobetzeko asmotan. Halaber, Mugi txartelaren erabilerarekin lasarte-oriatarrek sistema horrek eskaintzen dituen abantaila desberdinei etekina atera ahalko diete.

Mugi Sistemak 600 eskatzeko eta kargatzeko gune inguru ditu erabiltzaileek bere txartel pertsonalizatu nahiz anonimoak kargatzeko. Besteak beste, kiosko, estanko, liburu denda, tren nahiz autobus geltokietako txartel-leihatiletan eta Kutxabanken zenbait kutxazainetan kargatu daiteke txartela.

Orain arte ez bezala, hemendik aurrera Kutxabankeko edozein kutxazainetan zure kreditu-txartelarekin kargatu dezakezu Mugi txartela, eta KOMISIORIK GABE!

Internet bidez kargatu nahi baduzu, sar zaitez Txartela kargatun, erregistratu gune pribatuan eta abantaila guztiez gozatu!

Batu gure sare sozialetara eta informa zaitez garraio publikoari buruzko informazio guztiaz, besteak beste, ordutegi aldaketak, geltokien eguneratzeak, data zehatzetako Gipuzkoako autobus eta trenen indartzea, gaueko linea eta zerbitzu bereziak, eta beste askoren berri izan dezazun, Mugiren operadore guztien eskutik.

Jarrai gaitzazu Facebook eta Twitteren eta ezagutu itzazu momentuoro informatuta egotearen abantailak!

Tolosaldea Garatzen Eskualdeko Garapen Agentziak Tolosaldeko garapena bultzatzen du, besteak beste, mugikortasun iraunkor batera iristeko, bizikletaren eta garraio publikoaren erabilera sustatuz. Horretarako, eskualde honek herritarrei erraztasun ugari eskaintzen dizkie, bizimodu errazagoa eta irisgarriagoa eduki ahal izateko.

Garraio publikoa bultzatzeko helburuarekin, eskualde honetako udalek Mugi txartelaren tramiteak egiteko erraztasunak ematen dituzte eta herritarren beharretara egokitutako garraio publikoen hainbat zerbitzu eskaintzen ditu.

Mugik Donostia Zinemaldiko alfonbra gorriraino hurbilduko zaitu kulturaz goza dezazun. Zinemaldiko egunetan, irailaren 18tik 26ra, garraio publikoko zerbitzu bereziei probetxua ateratzeko aukera izango duzu, Kursaal bertara iritsi ahal izateko.

Donostiara datozen turistek jada errazago dute garraio publikorako sarbidea.

Basque Card-arekin, hirira iristen diren turistek, orain arte San Sebastian Card erabiltzen zutenek, Gipuzkoa guztira bidaiatu ahal izango dute.

Uda honetan Mugirekin autobus zerbitzuen hedapenaz gozatu eta nahi duzun orduan hondartzara joateko aukera izango duzu. Dbusek bere zerbitzuak zabaldu ditu uztaila eta abuzturako eta udaran ospatzen diren hainbat ekintzetara joateko linea eta ordutegi bereziak eskaintzen ditul.

Gainera, Ekialdebus, Euskotren, Pesa eta beste hainbat garraio zerbitzu ere udarako zure planetara egokitu dira.

Gure web orrialdea birdiseinatu dugu nor garen azaltzeko, Mugi txartelaren bitartez eskainzten ditugun eskaintza guztiak aurkezteko eta sistema honen parte zareten erabiltzaile guztiei sarbide pertsonalizatu bat ahalbidetzeko helburuarekin.

Mugi.eus-ekin egoki bistaratzeko nabigazio errazeko diseinu bat eskaini nahi izan dugu, mugikorretara nahiz tabletetara egokitua, honela, zure irisgarritasunera moldatzeko.